UEA: Celoj

• disvastigi la uzadon de la internacia lingvo Esperanto;
• agadi por la solvo de la lingva problemo en internaciaj rilatoj kaj faciligi la internacian komunikadon;
• plifaciligi la cxiuspecajn spiritajn kaj materiajn rilatojn inter la homoj, malgraux diferencoj de nacieco, raso, sekso, religio, politiko aux lingvo;
• kreskigi inter siaj membroj fortikan senton de solidaro, kaj disvolvi cxe ili la komprenon kaj estimon por aliaj popoloj.

UEA fondigxis en 1908.

La plena Statuto haveblas de la Centra Oficejo.

Speciala zorgo de UEA estas la disvastigo de Esperanto en landoj kaj mondopartoj kie ankoraux ne ekzistas memstara movado, kaj la ligado de aktivuloj en tiuj landoj kun la monda movado. Krome gxi delonge reprezentas la Esperanto-movadon cxe internaciaj instancoj kiel Unuigxintaj Nacioj, Unesko, Konsilio de Euxropo k.a.

Cxirkaux 10% de la rimedoj de UEA estas uzataj por "evoluhelpo".

UEA estas grava eldonejo (libroj kaj periodajxoj), la cxefa perposxta vendejo de Esperanto-libroj, internacia "banko", kongresa sekretariejo kaj informcentro. Gxi posedas gravan bibliotekon, kaj gxia reto de aktivuloj estas la plej vasta kaj internacia en la movado.

«Antaux ol proponi al la mondo ideon, kiel ajn bela gxi estas, ni vidu, cxu gxi estas realigebla per limigita nombro de homoj. Tiun eksperimenton plenumas UEA, en tre modesta mezuro.»