UEA: Gvidorganoj
UEA havas malfermitan, demokratian gvidstrukturon. Cxiuj
aligxintaj asocioj kaj
individuaj membroj estas
reprezentataj tie. La grandaj distancoj tamen kunportas
problemojn de komunikado kaj partopreno, kiujn cxiu aktivulo
spertas.
La supera gvidorgano de UEA estas la Komitato.
Iusence gxi estas la "perlamento" de la Esperanto-movado.
Gxi estas elektat cxiun trian jaron (1992, 1995, ...).
La Komitato kutime kunsidas nur unufoje jare, dum 16 - 20 horoj,
kadre de la Universala Kongreso.
La strukturo de la Komitato spegulas la
strukturon de UEA kiel tuto.
Estas tri specoj de Komitatanoj:
- Cxiu aligxinta
landa aux faka asocio
kun pli ol 100 membroj rajtas elekti unu Komitatanon A;
landaj asocioj kun pli ol mil membroj rajtas elekti unu
plian komitatanon por cxiu komencita milo da membroj.
Aldone, TEJO elektas du komitatanojn
(temas entute pri cx. 60 Komitatanoj A).
- La individuaj membroj rajtas elekti
unu Komitatanon B por cxiu komencita milo da
individuaj membroj (en 1992 tio signifis 9 Komitatanojn B).
- La Komitatanoj A kaj B rajtas elekti pliajn Komitatanojn
C gxis kvarono de sia propra nombro
(t.e. cx. 17 Komitatanoj C). La ideo estas, ke tiuj estu homoj
speciale aktivaj aux spertaj pri la agado de UEA.
Cxiuj komitatanoj A, B, C estas egalrajtaj inter si;
la litero indikas nur la manieron de elektigxo.
Aktuala listo de cxiuj komitatanoj
trovigxas en la Jarlibro
Cxar la Komitato kunsidas nur unufoje jare, gxi elektas pli
malgrandan grupon de komitatanoj, kiu okupigxas pri la tutjara
gridado de la Asocio. Kutime temas pri sep gxis naux homoj,
inkluzive de la Prezidanto, unu aux du
Vicprezidantoj, kaj Gxenerala sekretario.
Cxiu estrarano respondecas pri difinita parto de la agado de UEA.
La Estraro kutime kunsidas dufoje jare,
kaj la Prezidanto kaj Gxenerala Sekretario vizitas
la Oficejon de UEA
unu aux du pliajn fojojn dum la jaro.
La nomoj kaj adresoj de la estraranoj
trovigxas en la Jarlibro
kaj en cxiu numero de la
revuo Esperanto.
La Komitato kaj la Estraro rajtas taski homojn (ne nur komitatanojn)
pri aparta laborkampo. UEA kutime havas kelkajn komisionojn
(ekzemple pri la Belartaj Konkursoj)
kaj dudekon da komisiitoj
(ekzemple pri infanaj aferoj, turismo, Unuigxintaj Nacioj k.m.a.).
Nek komitatanoj nek estraranoj nek komisiitoj ricevas salajron aux
honorarion pro sia laboro. Komitatanoj ne devas pagi aligxkotizon al
la Universala Kongreso.
Estraranoj kaj komisiitoj povas ricevi kompenson pro korespond- kaj
vojagxkostoj.
Listo de komisiitoj aperas en la Jarlibro
![[diagramo]](../bildoj/uea-diag.gif)
[
UEA
]
[
Kio estas UEA
]
[ Celoj
< Strukturo
< Gvidorganoj
> Oficejo
> Junulara Sekcio (TEJO)
]
Last modified: Wed Nov 15 21:24:05 MET 1995
, mw