UEA: Jarlibro kaj Gvidlibro

Vi trovos tie:

• priskribon de cxiuj cxefaj agadoj de UEA, gxiaj Oficejo kaj institucioj;
• la nomojn, adresojn kaj taskojn de cxiuj komitatanoj, komisiitoj kaj aliaj respondeculoj de la asocio;
• adresojn kaj mallongajn priskribojn de cxiuj landaj kaj fakaj asocioj, kulturaj kaj sciencaj institucioj, ktp;
• praktikajn informojn pri transpagado, telefonado, korespondado, kaj uzado de la Delegita Reto;
• nomojn, adresojn kaj fakojn de 2300 delegitoj kaj fakdelegitoj en pli ol 70 landoj.

La Gvidlibro enhavas preskaux cxion krom la Delegita Reto.

Se vi havas iun ajn demandon pri la internacia Esperanto-movado, sercxu do respondon unue en la Jarlibro. Ecx se respondo tie ne trovigxas, plej versxajne vi malkovros individuon aux asocion kiu povas helpi vin.

UEA volonte ricevas raportojn pri spertoj kun la Jarlibro, cxu pozitivaj cxu negativaj, kaj proponojn por fari gxin ankoraux pli utila.

«Se la Jarlibro ne ekzistus, oni devus gxin elpensi.»